Ons verwelkom die lente met ’n aand van musiek — ten bate van ’n nuwe ruimte vir ons kinderbediening.
Elke kaartjie is 'n bydrae tot ’n nuwe ruimte vir ons kinderbediening — ’n plek waar ons kinders kan leer, speel en tuiskom.
Bekende vriende van ons gemeente, met 'n paar nuwe gesigte.
Suid-Afrika se mees uitgevoerde klassieke komponis. Wenner van sowel die Queen Elisabeth- (Brussel) as die eerste Dimitris Mitropoulos-kompetisie (Athene) in 1997. Italiaanse diplomas in komposisie, klavier en dirigeerkuns. Emeritus professor, UK.
Hoof van die Sangafdeling aan die Universiteit Stellenbosch. Oratorium- en liedsangeres; finalis van die Wigmore Hall International Song Competition (2009) en die AIMS Meistersinger-kompetisie (2010). Amerikaanse debuut in Beethoven se Negende met die Minnesota Orchestra. WoordTROfee vir Mahler se Das Lied von der Erde.
Bariton, opgelei aan die South African College of Music en later in opera onder prof. Virginia Davids. Wenner van die Schock-sangkompetisie (2012); rolle sluit Guglielmo (Così fan tutte), Dapertutto (Hoffmann) en die titelrol in Don Giovanni in. Ook ’n loopbaan in Afrikaanse populêre musiek, met die debuutalbum Net Hier By Jou.
Pianis, kontrabasspeler en sanger in Kaapstad se klassieke, jazz- en populêre kringe. Het saam met Andrea Bocelli en Stephen Hough gewerk, Asië getoer met The Sound of Music en Phantom of the Opera, en in die Concertgebouw (Amsterdam) en die Philharmonie (Berlyn) opgetree. BMus Honneurs, UK.
Suid-Koreaanse pianis, sangeres en multi-instrumentalis in Kaapstad — tuis in klassiek, jazz, opera en musiekteater. Het Asië getoer met The Sound of Music; solis by die Baxter, Artscape en die stadsale van Kaapstad en Durban. BMus Honneurs, UK; wenner van die FMR Bursary Competition.
Hoofaltviolis van die Kaapstadse Filharmoniese Orkes sedert 2018. Meestersgrade van Stellenbosch en Hannover; sewe jaar in Oostenryk en Duitsland, onder meer by die NDR Radiophilharmonie en die Oldenburgse Staatsteater. Solisdebuut met die KFO in 2021. Doseer altviool by Stellenbosch en UK.
Subhooffagottis van die Kaapstadse Filharmoniese Orkes sedert 2023. BMus en DMus van die Universiteit van Pretoria; PGDip en MMus van die Royal Northern College of Music, Manchester, as RNCM- en Oppenheimer-beurshouer. Gasfagottis by die meeste Suid-Afrikaanse orkeste; voormalige dosent in fagot aan UP.
Subhoofklarinettis en basklarinettis van die Kaapstadse Filharmoniese Orkes sedert 2022. Opgelei by Hugo Lambrechts, daarna in Gent en Tilburg onder Eddy Vanoosthuyse — BMus en twee meestersgrade, almal met lof. Helfte van die bekroonde klarinetduo Luna. PhD-kandidaat in musiek aan die Universiteit van die Vrystaat.
Wenner van die Hennie Joubert- en Atterbury Nasionale Klavierkompetisies; naaswenner van die 7de UNISA Nasionale Klavierkompetisie, met Rachmaninoff se Tweede. Concerto’s met die Kaapstadse en Gautengse Filharmoniese Orkeste. BMus en Honneurs, UK, onder François du Toit; meesterklasse in Londen, Parys, Berlyn en Wene in 2026.
BMus-student in horing en komposisie aan die South African College of Music, UK — horing by Gene Kierman, komposisie by Grant McLachlan. Sy saxofoonkwartet Five Games, op agtien geskryf, is deur die Tradewinds Quartet opgeneem en word binnekort deur Universal Edition uitgegee.
Kaapstadse violis; meestersgraadstudent aan UK onder Farida Bacharova ná ’n BMus cum laude op Stellenbosch. Voormalige konsertmeester van die Kaapstadse Filharmoniese Jeugorkes en die Hugo Lambrechts Simfonieorkes; solis met die Kaapstadse Filharmoniese Orkes; feesoptredes by die Woordfees en KKNK.
Gebore in Heilbron, Vrystaat. BMus(Ed) en BMus(Hons) cum laude van Stellenbosch; uitvoerderslisensiate van UNISA en die Royal Schools of Music; meestersgraad aan UK onder François du Toit. UNISA-eksaminator. Pinelands Gemeente se musikant.
Suzanne het gedurende haar hoërskoolloopbaan UNISA graad 8 eksamens in klavier (2005) en fluit (2007) voltooi. Na skool het sy gekies om ’n loopbaan as meganiese ingenieur te volg, en musiek steeds as ’n stokperdjie te beoefen. Sy is lid van die Kaapstadse Kamerkoor, en sing en speel per geleentheid – ook in Pinelands Gemeente waar sy ’n gemeentelid is.
Vioolonderwyser en skoolorkesleier in Kaapstad se Suidelike Voorstede. Vyf-en-twintig jaar se opleiding van jong strykers en vorming van skoolensemble-lewe. Tans op die musiekpersoneel van Herschel Girls’ School.
Musiekonderwyser by Rustenburg Girls’ High en Bishops; dirigent van die Rustenburg-orkes en die Bishops College String Ensemble. MMus (Uitvoering) cum laude, UK. Het onder Jack de Wet op Stellenbosch gestudeer. Dertig jaar se onderrig.
Sentraalplein 5, Pinelands, 7405 · Kry aanwysings →